Տորթ Զեբր՝ առանց թխելու. սա իմ շտապ օգնությունն է, երբ անսպասելի հյուրեր են գալիս

Խոհանոց

Համեղ և օգտակար տորթերի բաղադրատոմսներն ուղղակի անփոխարինելի են, ներկայացնում ենք դրանցից մեկը: Անհրաժեշտ բաղադրիչներ.

  • կաթնաշոռ՝ 400գ
  • շաքարավազ՝ 200գ
  • թթվասեր՝ 400գ
  • կարագ՝ 150գ
  • թխվածքաբլիթ՝ 200գ
  • ժելատին՝ 2 տուփ
  • շոկոլադ՝ 100գ
  • սերուցք՝ 75մլ

Պատրաստման եղանակ.

Թխվածքաբլիթը մանրացնում ենք բլենդերով: Կարագը հալեցնում և խառնում փշուրի հետ: Տապակը ծածկում ենք սննդային թղթով: Սեղմելով՝ լցնում ենք թխվածքաբլիթի փշուրը, դնում սառնարանը և թողնում՝ մինչ այն կսառի: Երկու տարբեր գույնի կաթնաշոռային զանգվածներ ենք պատրաստում: Դրա համար տարբեր տարաների մեջ լուծում ենք ժելատինը: Միջուկի համար բլենդերով խառնում ենք կաթնաշոռը, շաքարավազը և թթվասերը: Ստացված զանգվածը բաժանում ենք 2 հավասար մասերի: Յուրաքանչյուր կեսի մեջ ավելացնում ենք 1 տուփ լուծված ժելատին:


Հալեցնում ենք շոկոլադը, հարում ենք սերուցքը և լավ խառնում: Մի կաթնաշոռային զանգվածին ավելացնում ենք շոկոլադը: Այժմ սառնարանից հանում ենք տորթի հիմքը և սկսում տորթը հավաքելու գործընթացը. լցնում ենք 5ճ.գ. շոկոլադե և հետո 5ճ.գ. սպիտակ կաթնաշոռային զանգված, և այդպես շարունակ:

Վերջում չոփիկի օգնությամբ կենտրոնից դեպի եզրեր երկար գծեր ենք անցկացնում՝ գեղեցիկ նախշեր ստանալով:

Տորթը մի քանի ժամով, ցակալի է մի ամբողջ գիշեր թողնում ենք սառնարանում:

Բարի ախորժակ:

 

Добавить комментарий

Ваш адрес email не будет опубликован. Обязательные поля помечены *